Sunday, November 21, 2010

WTF

  სავარაუდოდ, ახლა ლონდონში ცივა და ნისლია. ადამიანებს თბილად აცვიათ და O2-სკენ მიიჩქარიან. ასე იქნება 1 კვირა - ყველა გზა O2-მდე მივა და ყველა თვალი ლონდონისკენ იქნება მიპყრობილი. მანამდე კი, ბევრს ემზადებოდნენ, ყველა გზა რომ ლონდონამდე მისულიყო.

The entrance hall to The O2

  გაუგებრად ვწერ არა? მოდი, ცოტა შორიდან დავიწყოთ.

  ვინც ჩოგბურთში ასე თუ ისე ერკვევა, ეცოდინება რომ არსებობს 4 დიდი ტურნირი, რომელიც ყველა სხვას აღემატება. მათ დიდი მუზარადის ტურნირებს უწოდებენ და სხვადასხვა დროს ყველა მათგანზე დავწერე. თუმცა, არის კიდევ ერთი, არანაკლებ პრესტიჟული ტურნირი, რომელსაც ATP World Tour Finals ქვია - WTF [რა? თქვენ გეგონათ აქ რამე უწმაწურს ვგულისხმობდი? :)]  მასში მხოლოდ მსოფლიოს პირველი 8 ჩოგბურთელი მონაწილეობს და შესაბამისად, ყველა თამაში საინტერესო და დაძაბულია. სხვა საჩოგბურთო ტურნირებისგან ფორმატითაც განსხვავდება - 2 ჯგუფია და თითო ჯგუფში 4-4 ჩოგბურთელია. ასევე, პირველივე მარცხი არ ნიშნავს ტურნირიდან გამოთიშვას, ჯერ ჯგუფური ეტაპის თამაშებია, შემდეგ კი - ნახევარფინალები და ფინალი.

  რაფა პირველი იყო, რომელმაც ადგილი მოიპოვა ამ ტურნირისთვის [ქულების მიხედვით]. ასევე მონაწილეობს როჯერ ფედერერი, რაღა თქმა უნდა :)  დანარჩენებს რაც შეეხებათ, თუ დაინტერესდებით, დეტალები შეგიძლიათ იხილოთ აქ - Barclays World Tour Finals

 ტურნირის დაწყებამდე მონაწილეები, საზეიმოდ გამოწყობილები, დიდი ბრიტანეთის პრემიერ მინისტრს შეხვდნენ და მასთან ერთად ფოტოებიც გადაიღეს. 

პრემიერ მინისტრთან ერთად
  ასე ჩაცმულები, როგორც ერთ-ერთმა გულშემატკივარმა თქვა, ჩოგბურთელები გავდნენ ბავშვებს, რომლებიც ცდილობენ დიდებივით მოიქცნენ.

Kids

 დავიდ ფერერი ფრიად სასაცილოა, თავის ნაცრისფერ კოსტიუმში [ნუ, რაფაც არანაკლებ :D] 

დიდი რვიანი

 გადაღების შემდგომ პერიოდში კი სვამდნენ და ერთმანეთთან საუბრით იქცევდნენ თავს.


   ფოტოზე - ენდი მარეი ესაუბრება პრემიერ მინისტრს, უკანა ფონზე კი მოჩანს რაფა და კომპანია :))

დასასრულს კი, ეს ფოტო :)

Rafa & Rog

7 comments:

  1. ლოლ დავიდ ფერერი :დ
    ოღონდ როჯერმა ეს წითელი კასინკა მოიხსნას და რა ვიცი, არ უხდება არანაირად :/

    ვაღიარებ, სათაური რომ დავინახე, მეთქი, ნატალიას რა დაემართა :| უჰ, ახლა დავმშვიდდი.

    ReplyDelete
  2. ჩოგბურთელები კოსტიუმებში :) და რა ელეგანტურები არიან. ქართველ ბიჭებზე ეს ელეგანტურობა ასე არ მხვდება თვალში

    უწმაწური არ მეგონა, მაგრამ ის კი ვიფიქრე, ჩვენ ნატალიასაც სეზონურმა ასთენიამ დარია ხელი-მეთქი :))))

    ReplyDelete
  3. სოფი, როჯერს წითელი ფერი უყვარს მგონი, ხშირად აცვია ამ ფერის მაისურები :)) ფერერს რაც შეეხება, როგორც წავიკითხე, შავი კოსტიუმი ეცვა თავიდან, რაღაც გადაისხა და გამოიცვალაო. არ ვიცი, რამდენად მართალია ოღონდ :))

    ნინა, ჰო, ხანდახან ვარ ხოლმე ეგეთ ხასიათზე რომ უწმაწური სიტყვები ვიძახო, მაგრამ ვცდილობ პოსტებში არ გადმოვიტანო :))

    ReplyDelete
  4. დიდი სლემი.
    :)
    მუზარადი იმ პონტშია როგორც პუჩინის "დარდი" :)

    ვიღაცა კრეტინმა, რომელმაც არც ინგლისური იცოდა და არც ჩოგბურთი თარგმნა მუზარადად და წავიდაააა....

    ReplyDelete
  5. Lord Vader, ლოლ, ადრე 'დიდი სლემი' დავწერე და სოფიმ შემისწორა, დიდი მუზარადიაო და ახლა პირიქით :D მე საერთოდ 'დიდ სლემს' ვამბობ & ვწერ ხოლმე, ზოგადად :P :))

    ReplyDelete
  6. ქ'მონ ენძიიიი )))

    ReplyDelete
  7. ika, არ ვიცი რომელ 'ენძის' გულისხმობდი, მაგრამ ფაქტია რომ ორივე გამოეთიშა ტურნირს :))

    დღეს კი დიადი დღეა - ფედალი გველის :)

    ReplyDelete