Tuesday, November 5, 2019

Rouje

წინა პოსტშიც აღვნიშნე, რომ ბოლო პერიოდი ძალიან გატაცებული ვარ ფრანგი ქალების სტილით, და ზოგადად, ფრანგი ქალებით. ამაში დიდი წვლილი ერთ ფრანგ გოგოს, ჟანს მიუძღვის. რომლის სახელსაც ყოველთვის ვკითხულობ როგორც "ჯინ" და ახლაც, როცა "ჟან" დავწერე, რაღაცნაირად მეხამუშა, თითქოს მასზე კი არა, სხვა ადამიანზე ვლაპარაკობ.

ჟანს აქვს თავისი ბრენდი აქვს - რუჟ (Rouje). ტანსაცმლის და უსაოცრესი ტუჩსაცხების. სრულიად შეპყრობილი ვარ ამ ტუჩსაცხებით და თავს ძლივს ვიკავებ, რომ არ გამოვიწერო. თუმცა ამაზე ოდნავ ქვევით იყოს, მანამდე რუჟის და ჟანის გაცნობას გავაგრძელებ.

ინსტაგრამზე აქტიურად ვადევნებ თვალს ჟანის პირად პროფილს და რუჟის ფეიჯს, ორივე ერთ სტილშია - ოდნავ გაცრეცილი ფერები, რაღაცნაირი მქრქალი წითელი დომინირებს, თითქოს მარწყვი დაჭყლიტეს და კვალი დატოვაო.


ეს არის თავად ჟანი. პირველად იცით როგორ აღმოვაჩინე? უფრო სწორედ, აღმომაჩენინეს - ჩემმა მეგობარმა მითხრა, ერთი მოდელია და რაღაცნაირად შენს თავს მაგონებსო. მაშინ შევხედე მის ფოტოებს და ვერ მივხვდი, რატომ ვგავდით ერთმანეთს. მერე ხანი გამოხდა და უცებ გამახსენდა ეს გოგო. შევედი ინსტაგრამზე და დავაფოლოუე.


 ძალიან რაღაცნაირია.. ფრანგული. დღემდე არ ვიცი, რითი ვგავართ, მაგრამ ძალიან მომწონს. ამ ზაფხულს იტალიაში დაისვენა თავის ბოიფრენდთან და მეგობრებთან ერთად და ძალიან ლამაზ ფოტოებს და ვიდეოებს დებდა ინსტაგრამის სთორიში.



რუჟის ფეიჯზე უამრავი ლამაზი კაბა და ქვედაბოლოა, მე რომ მომწონს, ზუსტად ის სტილია - ყვავილებიანი კაბები. ყველა ფოტოდან ნამდვილი ფრანგული აურა მოდის.

How French is everything in this picture?

და რა თქმა უნდა, უამრავი წითელი პომადა!



ტუჩსაცხებს ქალის სახელები ჰქვიათ, ფერის მიხედვით. ჩემი ფავორიტი კამილია - ყველაზე ლამაზი წითელი. ახლახან გამოუშვეს ახალი საცხი, რომლის ბოთლიც ფრჩხილების ლაქისას ჰგავს, how cool is that?

"კამილი" ახალ ბოთლში
აი ახლაც, ამ ბოთლს რომ ვუყურებ, თითქმის ისევე ძალიან მინდა, როგორც რამე საჭმელი :) ცოტა უცნაურ სურვილში გადამდის. მაგრამ რას ვიზამთ, წითელ ტუჩსაცხებზე დამოკიდებულება მაქვს.

p.s ყველა ფოტო აღებულია ჟანის და რუჟის ინსტაგრამიდან.

2 comments:

  1. მართლა გავხართ!
    ორივე ექაუნთი დავაფოლოვე.
    ჟანის ფოტოები ხშირად მხვდება პინტერესტზე, თემაში French chic :)
    Rouje-ის ინსტაზე პიჯაკების ფოტოზე ყანწი აღმოვაჩინე, როგორც დიზაინის ელემენტი!
    საშობაოდ იჩუქე ერთი წითელი პომადა! :)

    ReplyDelete
  2. ეს ბერეტიანი ფოტოც სასწაულია! თითქოს ხომ ამდენი ფერია თამამად შერეული და მაინც უმაგრესია, თბილი, ღუნღულა და თან შიკი.
    ქერის პარიზული მომენტი აქვს რომელიღაც ადრე სეზონის სერიაში, ღია ცისფერი ქაშმირის შარფი და მარტო ზის გარეთ მრგვალ პატარა მაგიდასთან ღვინის ჭიქით. თმა გაშლილი და მუქი სათვალე.

    ReplyDelete