Monday, May 3, 2010

ქუჩაში რომ შემოგხვდეთ..

ზურიუსმა რამდენიმე დღის წინ პოსტი დაწერა, ისე რომ იმ დროს ალბათ არც უფიქრია, შემდგომში რომ სხვებიც აყვებოდნენ.

მერე დარიჩინის გოგომ მოიფიქრა ამ პოსტის ტეგ-თამაშად გადაქცევა და სწორედ მან დამთაგა.

მგონია რომ ბევრი არაფერი მექნება დასაწერი საკუთარ თავზე, თუმცა შევეცდები.


- ჩემს სიარულის მანერაზე ბევრი ვიფიქრე. მგონი საშუალო ტემპით დავდივარ და აქეთ-იქით ვიყურები, სხვადასხვა საგნებს ვათვალიერებ ხოლმე. ადამიანებს თვალებში არ ვუყურებ : ))

- უხშირესად მეცმევა შარვალი და სპორტული ან ძაალიან დაბალძირიანი ფეხსაცმელი.

- აქსესუარებიდან არაფერს ვიყენებ. ნუ, თითებზე ორი სადა ბეჭედი მექნება აუცილებლად, დილით თუ არ დამავიწყდა გაკეთება.

- თმა მექნება ალბათ გაშლილი და ხვეულ-აჩეჩილი, იმიტომ რომ არ ვივარცხნი, მერე მიფუვდება სასტიკად.

- აუცილებლად მექნება საშუალოზე დიდი ზომის ჩანთა, ვინაიდან მიყვარს, როცა სრული აღჭურვილობით გამოვდივარ სახლიდან [ხალათი, ფონენდოსკოპი, ბლოკნოტი, ’კოსმეტიჩკა’ და ა.შ], რასაც დიდი მოცულობის ჩანთა ჭირდება.

როცა თქვენ მოხვალთ ჩემთან და დამელაპარაკებით:

- აუცილებლად მექნება გაოცებული სახე [როდრიგომ იცის, როგორი], მერე გამეღიმება და [აუცილებლად] ძალიან გამიხარდება.

- დავიწყებ ლაპარაკს, ალბათ სწრაფად და დაბნეულად.

შემდეგ უკვე როგორ განვითარდება მოვლენები, ეგ გარემოზე და თქვენზეა დამოკიდებული :)

მე ვთაგავ Jo Key, hexe და mylpi-ს.

7 comments:

  1. თმა ალბათ წაბლისფერი გაქვს, ხომ???

    ასეც ვიფიქრე, რომ დიდი ჩანთა და დაბალძირიანები გეყვარებოდა...

    და არ ვიცი რატომ, მგონია რომ ჩანთაში საწუწნი კამფეტები უნდა გეყაროს ხოლმე...

    კოწახურის ან რამე მსგავსი :)

    არ ვიცი, საიდან მოვიტანე, არ მკითხო :))) ვიცი რომ ვცდები ისედაც :P

    ReplyDelete
  2. კი, თმა წაბლისფერი მაქვს, ეგ დეტალი აღარ გამახსენდა, რომ დამეწერა :)

    კანფეტები არ მიყრია ჩანთაში, თუმცა სულ მინდა რომ მქონდეს, მართლა მართლა. უბრალოდ დაუდევარი ვარ და ვერ მოვაბი თავი რომ ეგ გავაკეთო :))

    ReplyDelete
  3. კი მე ნამდვილად ვიცი ;))

    ReplyDelete
  4. შენ დიიდ ფინჯან ყავად ან შოკოლადად წარმომიდგენიხარ ^_^

    ReplyDelete
  5. დარწმუნებული იყავი, რომ აუცილებლად მოვალ, თუ ოდესმე დაგინახავ ქუჩაში (რაც ჯერჯერობით პარადოქსია) და მაგრად ჩაგეხუტები.

    რატომღაც მეგონა, ქუჩაშიც ლიმნიანი ნამცხვრით დადიოდი... :) წარმოიდგინე, ზღაპარში რომ ვიყოთ და ადამიანები ჩანთების მაგივრად, თავიანთ საყვარელ ნამცხვრებს ატარებდნენ და ლაპარაკის მაგივრად, მხოლოდ იღიმებოდნენ; მაშინვე უფრო მიხვდებოდი, ვიდრე საერთოდ სიტყვებით :sunnyfairytale:

    ReplyDelete
  6. ვგონებ გიცნობ აწი :)))

    ReplyDelete