Tuesday, July 6, 2010

Impossible is nothing, so just do it!

  ასეთი ჩვევა მაქვს - ტრასპორტიდან ადამიანების სახეებს ვიმახსოვრებ. უცებ ვიღაცას დავინახავ და მის გამომეტყველებას ფოტო-კადრივით ვინახავ. მერე შემდეგი გამოჩნდება და ასე გრძელდება. თუ უსიამო სახე შემხვდა, ერთი სული მაქვს, ახალი გამოჩნდეს, რომ წინა დავივიწყო. ყველა ადამიანს არ აქვს დასამახსოვრებელი სახე. ბევრი ისე გაივლის, რომ აღქმასაც ვერ ვასწრებ.

 აი ასე, ჩემს გონებაში ბევრი ადამიანის თვალები ინახება. უკვე ვახსენე სადმე, რომ თვალებს დიდ მნიშვნელობას ვანიჭებ? ასეა. თვალებმა შეიძლება განსაზღვროს ადამიანის სილამაზე, თვალებით შეიძლება გადმოსცე ბევრი რამ და ზოგადად, თვალებით გამოიცნობ ადამიანს. 

 [ამ შესანიშნავი ესპანელი ქალის ფოტოსთვის დიდი მადლობა ჰექსეს]

 დღეს აუტანელი სიცხეა. ბოლო დღეებია აუტანელი სიცხე. მე კი უნებურად მეფიქრება, ადამიანებს რატომ უნდა სიამოვნებდეთ ერთმანეთის ლანძღვა და რატომ არ უნდა ცდილობდნენ სულ ცოტა მაინც მოითმინონ. იმდენს ვფიქრობ, და საბოლოოდ აღმოჩნდება ხოლმე, რომ ყველას და ყველაფერს აქვს გამართლება. მეც ვჩხუბობ, როცა მშიერი ვარ, ან PMS მაქვს, ან როცა მალოდინებენ. 

 მიხარია, რომ ბანკეტი [თუ რაღაც ამდაგვარი] მქონდა ზუსტად ისეთი [თითქმის ზუსტად ისეთი], როგორიც მინდოდა. რომ ბევრი ვიცეკვე, ცოტა დავლიე და ყველაფერი სასიამოვნოდ დამთავრდა.

ბოლო დღეები რაღაცეები გამოვტოვე - ბლოგებზე პოსტები, ტელევიზორში - უიმბლდონის ფინალი. პირველი მიხარია, აღმოჩნდა რომ სასიამოვნო არაფერი დაწერილა. მეორეზე კი გული მწყდება. 

 რომ არა ეს ჭრელი სარაფანი, ალბათ პოსტს არ დავწერდი. ან იქნებ სიცხეა ყველაფერში დამნაშავე? ნაყინი მინდა, მაგრამ რატომღაც გავცივდი, მახველებს და ვერ შევჭამ უახლოესი დღეები.  ყავა აქვეა, სამაგიეროდ. მე კიდევ ადამიანები მენატრება.

10 comments:

  1. თვალებზე აბსოლუტურად გეთანხმები! ყოველთვის თვალებში ვუყურებ ადამიანს, თუ მისი შეცნობა მინდა და ვერც კი ხვდებიან, ისე ვახერხებ ამას! :))

    ReplyDelete
  2. ნეტა ჩემი თვალები რას აჩვენებენ? :რიტორიკულიკითხვასმაილ:

    ReplyDelete
  3. eg foto rom vnaxe fb-ze gavcherdi da ese vuyurebdi kai xani ekrans <3
    ra silamazea <3

    hoda me-c xom adamiani var da kargia anu rom genatrebi
    da mec momenatre :))

    ReplyDelete
  4. es gogo Zaaaalian gavs yofil Miss España Eva González-s, Casillasis yofil girlfriends. kiarada, mgoni egaa :-)

    Seadare: http://www.riasbaixas.depo.es/web2005/img/actualidad/noticias/605_eva%20gonzalez.jpg

    ReplyDelete
  5. http://www.riasbaixas.depo.es/web2005/img/actualidad/noticias/605_eva%20gonzalez.jpg

    ReplyDelete
  6. egaa, eg. yurze daakvirdi :-)))))))

    ReplyDelete
  7. კვირის ბოლომდე უფრო აკრგად მოგენატრება ადამიანები და მანამდე მეც გავთავისუფლდები.
    ხოდა, ტიპაჟების ყურება/დამახსოვრება მეც მიყვარს, მაგრამ, ეს სიცხე, 2 000 საქმე და კიდე საზოგადოებრივი ტრანსპორტი ისე მკლავს, ვეღარაფერს ვხედავ :(

    ჭრელი სარაფანა გადასარევია :)

    ReplyDelete
  8. AnnA, eg aris ki, google-shi es fotoc michvena, da eva gonzalez ewera. ra lamazi gogoa <3

    nastasia, babisa, tqven namdvilad momenatret :) <3

    ReplyDelete
  9. მე ეს ბლოგი მომენატრა და როგორ მიხარია, რომ აქ შენ მეგულები.
    შენი შოკოლადებით.
    შენი რაფათი.
    შენი უკმაყოფილების გამოხატვით.
    შენი თავით.
    :***

    შენს ბლოგს ჩემს გუგლ რიდერში "უმშვიდესი არსება" ჰქვია.
    მამშვიდებ და ფორიაქს მიხსნი.

    ReplyDelete
  10. უიმბლდონის ფინალი მართლაც დასანანია. თუმცა არაუშავს, მთავარია ამერიკის ფინალი არ გამოტოვო :დ

    სახეების დამახსოვრება ადრე მეც მიყვარდა. უფრო სწორად თავისით ხდებოდა და ვიმახსოვრებდი. ახლა რატომღაც აღარ მამახსოვრდება.

    ReplyDelete